ಪೊಲೀಸ್ ವರ್ಲ್ಡ್

ಪ್ರಾಥಮಿಕ ಶಾಲಾ 14 ವರ್ಷ ಒಳಗಿನ ಬಾಲಕ /ಬಾಲಕಿಯರ ಹಾವೇರಿ ಜಿಲ್ಲಾ ಮಟ್ಟದ ಖೋ ಖೋ ಪಂದ್ಯಾವಳಿಯು ದಿನಾಂಕ :19-09-2023 ರಂದು ರಾಣೇಬೆನ್ನೂರ್ ತಾಲ್ಲೂಕಿನ ಮಾಕನೂರ್ ಗ್ರಾಮದಲ್ಲಿ ನಡೆಯಿತು. ಕಾರ್ಯದಲ್ಲಿ ರಾಣೇಬೆನ್ನೂರ್ ನ ಶಾಸಕರಾದ ಶ್ರೀ ಮಾನ್ಯ ಪ್ರಕಾಶ ಕೋಳಿವಾಡ್ ರವರು ಮತ್ತು ಜಿಲ್ಲಾ ಹಂತದ ಅಧಿಕಾರಿಗಳು ಭಾಗವಸಿದ್ದರು. ಉದ್ಘಾಟನೆ ಅದ್ದೂರಿಯಾಗಿ ನಡೆಯಿತು. ಆದರೆ ಹೆಚ್ಚಿನ ಖೋ ಖೋ ಪಂದ್ಯಗಳಲ್ಲಿ ಜಗಳಗಳೇ ಸಂಭವಿಸಿದ್ದು ದುರದೃಷ್ಟಕರ. ಕಷ್ಟ ಪಟ್ಟು ಮಕ್ಜಳನ್ನು ಆಟಕ್ಕೆ ಅಣಿಗೊಳಿಸಿ ಕರೆದುಕೊಂಡು ಬಂದರೆ, ಇಲ್ಲಿ ನಡೆದುದೆ ಬೇರೆಯಾಗಿತ್ತು. ಇವು ಇಲಾಖೆಯ ಕ್ರೀಡಾಕೂಟ ದ ಬದಲಾಗಿ ಸ್ವಂತ ಗ್ರಾಮದಲ್ಲಿ ನಡೆದ ಕ್ರೀಡಾಕೂಟದಂತೆ ಭಾಸವಾಗಿತ್ತು. ಇಲಾಖೆಯ ನಿಯಮಾವಳಿಗಳಿಗೆ ತಕ್ಕಂತೆ ನಡೆಯದೆ ಅವ್ಯವಸ್ಥೆ ಯ ಆಗರವಾಗಿತ್ತು. ಈಗಾಗಲೇ ಇದರ ಬಗ್ಗೆ ಜಿಲ್ಲೆಯ 2 or 3 ತಾಲೂಕಿನವರು ಹಾವೇರಿ ಜಿಲ್ಲಾ ಉಪನಿರ್ದೇಶಕರಿಗೆ ದೂರನ್ನು ನೀಡಲಾಗಿದೆ ಎಂಬ ಮಾಹಿತಿಯ ಜಾಡು ಹಿಡಿದಾಗ ಹಾನಗಲ್ ಶಿಗ್ಗಾಂವ್ ಮತ್ತು ಬ್ಯಾಡಗಿ ತಂಡಗಳ ಊರಿನವರು ದೂರು ದಾಖಲಿಸಿದ್ದು ತಿಳಿದುಬಂದಿದೆ. ದೂರು ಕೊಟ್ಟ ಹಾನಗಲ್ ತಾಲೂಕಿನ ಬ್ಯಾತನಾಳ ಗ್ರಾಮದವರನ್ನು ಸಂಪರ್ಕಿಸಿದಾಗ ನಮಗೆ ಅಂಪೈರ್ ರವರನ್ನು ಇಲಾಖೆಯವರಿಗೆ ಆಧ್ಯತೆ ಕೊಡದೆ ಹೊರಗಿನವರಿಂದ ಆಟ ಆಡಿಸಲಾಯಿತು. ಮಾಕನೂರ್ ಹಾಗೂ ಅಂಗರಗಟ್ಟಿ ತಂಡದ ನಡುವೆ ಹಣಾಹಣಿ ನಡೆದಾಗ ಅವರುಗಳು ಸಂಪೂರ್ಣ ಏಕಮುಖವಾಗಿ ತೀರ್ಪು ನೀಡಲಾಗಿದೆ. ನಮ್ಮ ತಂಡ ವಿಜಯಶಾಲಿ ಯಾಗುವಂತಿದ್ದರು ನಿರ್ಣಾಯಕರ ವ್ಯವಸ್ಥಿತ ಪಿತೂರಿಯಿಂದ ಸೋಲುವಂತಾಯಿತು. ಅದಕ್ಕೆ ಸಂಬಂಧಿಸಿದ video ಗಳನ್ನು ಹಂಚಿಕೊಂಡಿದ್ದಾರೆ. ಅಲ್ಲದೆ ಶಿಗ್ಗಾಂವ್ ಹಾಗೂ ಬ್ಯಾಡಗಿ ತಂಡದವರನ್ನು ಕೇಳಿದಾಗ ಅವರು ಸಹಿತ ಮೇಲಿನಂತೆ ದೂರು ಹೇಳಿದ್ದಲ್ಲದೆ. ಸವಣೂರ ತಾಲೂಕಿನ ತಂಡದಲ್ಲಿ ವಯಸ್ಸಿಗೆ ಮೀರಿದ ಮತ್ತು ಶಾಲೆಯಲ್ಲಿ ಇಲ್ಲದ ಮಕ್ಕಳನ್ನು ಹಾಕಿಕೊಂಡು ಆಡಿಸಿದ್ದು ಮುಂದಿನ ಪಂದ್ಯದಲ್ಲಿ ದೃಢಪಟ್ಟರೂ ಆ ತಂಡದ ವಿರುದ್ಧ ಕ್ರಮಕೈಗೊಳ್ಳದೆ ಬ್ಯಾಡಗಿ ತಾಲೂಕಿನ ತಂಡದಲ್ಲಿ ಆಡಿದ ಸುಮಾರು 4 ವಿದ್ಯಾರ್ಥಿಗಳನ್ನು ತೆಗೆಸಿ ಆಡಿಸಲಾಯಿತು. ಇದರಬಗ್ಗೆ ನ್ಯಾಯ ಕೇಳಿದರೆ, ನೀವು ಮೊದಲೇ ಅಬ್ಜೆಕ್ಷನ್ ಮಾಡಬೇಕಿತ್ತು. ಎಂದು ಪೊಲೀಸ್ ಪಿಎಸ್ಐ ರವರನ್ನು ಕರೆಯಿಸಿ ನಮ್ಮ ಹುಡುಗರ ಮೇಲೆ ದಬ್ಬಾಳಿಕೆ ಮಾಡಿಸಿರುತ್ತಾರೆ. ಬಂದ ಪಿಎಸ್ ಐ ನಮ್ಮನ್ಯಾಯಯುತವಾದ ಹೋರಾಟಕ್ಕೆ ಅಡ್ಡಿಪಡಿಸಿ ಗ್ರಾಮದ ಮಕ್ಕಳಿಗೆ ಬಾಯಿಗೆ ಬಂದಂತೆ ಬೈದುದಲ್ಲದೆ ಒಬ್ಬ ವಿದ್ಯಾರ್ಥಿಗೆ ಹೊಡೆದು ಶಿಕ್ಷಕರಿಗೆ ಬಾಯಿಗೆ ಬಂದಂತೆ ಮಾತನಾಡಿ ದೌರ್ಜನ್ಯದಿಂದ ನಮ್ಮನ್ನು ಮೈದಾನದ ಹೊರಗೆ ಹಾಕಿದ್ದಾರೆ ಎಂದು ತಿಳಿಸಿದರು. ಪಿಎಸ್ ಐ ಬಾಲಕನಿಗೆ ಹೊಡೆದಾಗ ಮಕ್ಕಳ ತಾಯಂದಿರು ಪ್ರತಿಭಟಿಸಿದಾಗ ತಾಯಂದಿರಿಗೂ ಮಹಿಳೆಯರನ್ನದೇ ಬಾಯಿಗೆ ಬಂದಂತೆ ಬೈದಿದ್ದಾರೆ. ಎಂದು ಊರ ಗ್ರಾಮಸ್ಥರು ತಿಳಿಸಿದ್ದಾರೆ. ಅಲ್ಲದೆ ಶಿಗ್ಗಾಂ ವ್ ತಂಡದವರದು ನಿರ್ಣಾಯಕರ ತಪ್ಪಿನಿಂದ ನಮ್ಮ ತಂಡ ಸೋತಿದೆ ಎಂದು ದೂರಿದ್ದಾರೆ. ಅಲ್ಲದೆ ಬಾಲಕಿಯರ ಆಟದಲ್ಲೂ ಕೈ ಕೈ ಮಿಲಾಯಿಸಿ, ಹೊಡೆದಾಡಿದಂತಹ ಜಗಳಗಳು ನಡೆದಿವೆ. ಹೀಗಾಗಿ ದೂರುಗಾರರ ಪ್ರಮುಖ ಬೇಡಿಕೆ ಏನೆಂದರೆ ಜಿಲ್ಲಾ ಮಟ್ಟದ ಖೋ ಖೋ ಆಟಗಳನ್ನು ಜಿಲ್ಲಾ ಕ್ರೀಡಾಂಗಣದಲ್ಲಿ ಆಡಿಸದೆ, ತಂಡ ಗೆದ್ದಂತಹ ಊರಿನಲ್ಲಿ ಇಟ್ಟಿದ್ದು ಇಷ್ಟೆಲ್ಲಾ ಅವಾಂತರಕ್ಕೆ ಕಾರಣವಾಗಿದೆ. ಲೋಕಲ್ ಪ್ರಭಾವದಿಂದ ನಮ್ಮ ತಂಡಗಳಿಗೆ ಅನ್ಯಾಯವಾಗಿದೆ. ಆದ್ದರಿಂದ ಈ ಆಟಗಳನ್ನು ರದ್ದುಪಡಿಸಿ ಜಿಲ್ಲಾ ಹಂತದಲ್ಲಿ ನಡೆಸಿಕೊಡಬೇಕೆಂದು ವಿನಂತಿ ಮಾಡಿಕೊಂಡಿರುತ್ತಾರೆ. ಅಲ್ಲದೆ ಅಂದು ಹಾಜರಿದ್ದ ಪಿಎಸ್ ಐ ಮೇಲೆ ದೌರ್ಜನ್ಯ ಕೇಸು ದಾಖಲಿಸಬೇಕೆಂದು ಕೇಳಿಕೊಂಡಿರುತ್ತಾರೆ. ನ್ಯಾಯಯುತವಾಗಿ ಆಟ ಆಡಿಸಿದಾಗ ಮಾತ್ರ ಮತ್ತೆ ಮುಂದಿನವರ್ಷ್ ಪ್ರಯತ್ನ ಮಾಡಲು ಸಾಧ್ಯವಾಗುತ್ತದೆ. ಇಲ್ಲದೆ ಹೋದರೆ ತಮಗೆ ಬೇಕಾದವರಿಗೆ ನಿರ್ಣಯ ಕೊಡುವಂತಿದ್ದರೆ ಮಕ್ಕಳಿಗೆ ಅನ್ಯಾಯ ಮಾ ಡಿದಂತಾಗುತ್ತದೆ. ಆದ್ದರಿಂದ ಇದಕ್ಕೆ ಸಂಬಂಧಿಸಿದ ಮಾನ್ಯ ಜಿಲ್ಲಾ ಉಪನಿರ್ದೇಶಕರು ಹಾಗೂ ಜಿಲ್ಲಾ ದೈಹಿಕ ಶಿಕ್ಷಣ ಪರಿವೀಕ್ಷಕರು ಸೂಕ್ತ ಕ್ರಮ ಕೈಗೊಂಡು ಮಕ್ಕಳಿಗೆ ನ್ಯಾಯ ಕೊಡಿದಸಬೇಕೆಂಬುದು ಶಿಕ್ಷಕರ ಕ್ರೀಡಾಭಿಮಾನಿಗಳ ಮಾನವೀಯಗಿದೆ.

ಬೆಂಗಳೂರು - : ಹೀರೋ ಸಂತೋಷ್ ಟ್ರೋಫಿ' ಟೂರ್ನಿಯಲ್ಲಿ 47 ವರ್ಷಗಳ ನಂತರ ಫೈನಲ್ ಪ್ರವೇಶಿಸಿರುವ ಕರ್ನಾಟಕ ತಂಡಕ್ಕೆ ರೇಷ್ಮೆ, ಯುವ ಸಬಲೀಕರಣ ಮತ್ತು ಕ್ರೀಡಾ ಸಚಿವ ಡಾ.ನಾರಾಯಣಗೌಡ ಅವರು ಅಭಿನಂದನೆ ಸಲ್ಲಿಸಿದ್ದಾರೆ. 1975-76ರಲ್ಲಿ ನಡೆದ ಟೂರ್ನಿಯಲ್ಲಿ ಕರ್ನಾಟಕ ತಂಡ ಕೊನೆಯ ಬಾರಿಗೆ ಫೈನಲ್ ಪ್ರವೇಶಿಸಿತ್ತು. ಇದೀಗ ಮತ್ತೊಮ್ಮೆ ಫೈನಲ್ ಪ್ರವೇಶಿಸಿರುವ ಕರ್ನಾಟಕ ಪುಟ್ಬಾಲ್ ತಂಡ, ಮಾರ್ಚ್ 4 ರಂದು ಮೇಘಾಲಯ ವಿರುದ್ಧ ಟ್ರೋಫಿ ಗೆಲ್ಲುವ ವಿಶ್ವಾಸವಿದೆ. 1968-69 ರಲ್ಲಿ ನಡೆದ ಸಂತೋಷ್ ಟ್ರೋಫಿಯನ್ನು ಮುಡಿಗೇರಿಸಿಕೊಂಡಿದ್ದ ಕರ್ನಾಟಕ ಪುಟ್ಬಾಲ್ ತಂಡ, ಮೇಘಾಲಯವನ್ನು ಮಣಿಸುವ 54 ವರ್ಷಗಳ ಕಾಯುವಿಕೆಯನ್ನು ದೂರವಾಗಿಸಿ ಮತ್ತೊಮ್ಮೆ ಟ್ರೋಫಿ ಗೆಲ್ಲಲಿ ಎಂದು ಸಚಿವ ಡಾ.ನಾರಾಯಣಗೌಡ ಅವರು ಕರ್ನಾಟಕ ತಂಡಕ್ಕೆ ಶುಭ ಹಾರೈಸಿದ್ದಾರೆ‌‌

ರಾಷ್ಟ್ರೀಯ ಜೂನಿಯರ್ ಟೆನಿಸ್ ಬಾಲ್ ಕ್ರಿಕೆಟ್ ಚಾಂಪಿಯನ್ಶಿಪ್ ಗೆ ಆಯ್ಕೆಯಾದ ಗ್ರಾಮೀಣ ವಿದ್ಯಾರ್ಥಿ(ನಿಯರಿಗೆ) ಸಮವಸ್ತ್ರ ವಿತರಣೆ. ರಾಷ್ಟ್ರೀಯ ಜೂನಿಯರ್ ಟೆನಿಸ್ ಬಾಲ್ ಕ್ರಿಕೆಟ್ ಚಾಂಪಿಯನ್ಶಿಪ್ ಗೆ ಬಿಹಾರದ ಭೋಜಪುರ್ ಜಿಲ್ಲೆಯ ಆಗ್ರಾದಲ್ಲಿ ನಡೆಯಲಿರುವ ಜ್ಯೂನಿಯರ್ ಟೆನಿಸ್ ಬಾಲ್ ಕ್ರಿಕೆಟ್ ಚಾಂಪಿಯನ್ಶಿಪ್ ಪಂದ್ಯಾವಳಿಯಲ್ಲಿ ಭಾಗವಹಿಸಲಿರುವ ಕರ್ನಾಟಕ ರಾಜ್ಯ ಬಾಲಕರ ತಂಡ, ಮತ್ತು ಬಾಲಕಿಯರ ತಂಡ ಹಾಗೂ ಉತ್ತರ ಕರ್ನಾಟಕ ಬಾಲಕರ ತಂಡಗಳಿಗೆ ಸಮವಸ್ತ್ರವನ್ನು ನಗರದ ಡಾ.ಬಿ.ಆರ್.ಅಂಬೇಡ್ಕರ್ ಜಿಲ್ಲಾ ಕ್ರೀಡಾಂಗಣದಲ್ಲಿ ವಿತರಿಸಲಾಯಿತು. ಕರ್ನಾಟಕ ರಾಜ್ಯ ತಂಡಕ್ಕೆ ನಗರ ಶಾಸಕರಾದ ಶ್ರೀ ಬಸನಗೌಡ ಪಾಟೀಲ್ ಯತ್ನಾಳ್, ಬಾಲಕಿಯರ ತಂಡಕ್ಕೆ ಅಬ್ದುಲ್ ಹಮೀದ್ ಮುಶ್ರೀಫ್, ಹಾಗೂ ಉತ್ತರ ಕರ್ನಾಟಕದ ಬಾಲಕರ ತಂಡಕ್ಕೆ ರಾಜಶೇಖರ ಕವಲಗಿಯವರು ಸಮವಸ್ತ್ರ ಕೊಡುಗೆ ನೀಡಿದರು. ಈ ಸಮವಸ್ತ್ರ ವಿತರಣೆ ಕಾರ್ಯಕ್ರಮದಲ್ಲಿ ನಗರ ಶಾಸಕರ ಧರ್ಮಪತ್ನಿ ಶ್ರೀಮತಿ ಶೈಲಾ.ಬಿ.ಪಾಟೀಲ್ ಯತ್ನಾಳ್ ಅವರು ಸಮವಸ್ತ್ರ ವಿತರಣೆ ಮಾಡಿ ಮಾತನಾಡಿದ ಅವರು ಗ್ರಾಮೀಣ ಪ್ರತಿಭೆಗಳಿಗೆ ಅವಕಾಶ ಕಲ್ಪಿಸಿಕೊಟ್ಟ ರಾಜ್ಯ ಟೆನಿಸ್ ಬಾಲ್ ಕ್ರಿಕೆಟ್ ಸಂಸ್ಥೆ, ಹಾಗೂ ವಿಜಯಪುರ ಜಿಲ್ಲಾ ಟೆನಿಸ್ ಬಾಲ್ ಕ್ರಿಕೆಟ್ ಸಂಸ್ಥೆಗೆ ಕೃತಜ್ಞತೆ ಸಲ್ಲಿಸುತ್ತೇನೆ ನಮ್ಮ ಮೇಲೆ ಬಹಳ ದೊಡ್ಡ ಜವಾಬ್ದಾರಿ ಇದೆ, ಸಮಾಜದ ಏಳಿಗೆಗಾಗಿ ನಾವೆಲ್ಲರೂ ಶ್ರಮಿಸೋಣ ಎಂದರು. ಟೆನಿಸ್ ಬಾಲ್ ಕ್ರಿಕೆಟ್ ಸಂಸ್ಥೆಯ ಉಪಾಧ್ಯಕ್ಷರಾದ ಬಸನಗೌಡ ಹರನಾಳ ಮಾತನಾಡಿ ನಮ್ಮ ಶಿಕ್ಷಣ ಸಂಸ್ಥೆಯಲ್ಲಿ ಯಾವುದೇ ಕ್ರೀಡೆಯಲ್ಲಿ ಸಾಧನೆ ಮಾಡಿರಲಿ ಅಂತಹ ಕ್ರೀಡಾಪಟುಗಳಿಗೆ ಉಚಿತ ಶಿಕ್ಷಣದೊಂದಿಗೆ ಅಗತ್ಯ ಸೌಲಭ್ಯ ಕಲ್ಪಿಸಲು ಮುಂದಾಗಿದ್ದೇವೆ, ಇದರ ಸದುಪಯೋಗ ಗ್ರಾಮೀಣ ಭಾಗದ ವಿದ್ಯಾರ್ಥಿಗಳು ಪಡೆದುಕೊಳ್ಳಬೇಕು ಎಂದರು. ವೇದಿಕೆ ಮೇಲೆ ರಾಜ್ಯ ಟೆನಿಸ್ ಬಾಲ್ ಕ್ರಿಕೆಟ್ ಸಂಸ್ಥೆಯ ಅಧ್ಯಕ್ಷರಾದ ಶ್ರೀಮತಿ ಶಾಹೀದಾಬೇಗಂ ಹಕೀಂ ನಮ್ಮ ತಂಡಗಳು ಗೆದ್ದು ಚಾಂಪಿಯನ್ ಆಗುವುದು ಖಚಿತ ಈಗಾಗಲೇ ರಾಜ್ಯ ತಂಡದಲ್ಲಿ ವಿವಿಧ ಜಿಲ್ಲೆಗಳ ಕ್ರೀಡಾಪಟುಗಳು ಆಯ್ಕೆಯಾಗಿರುವುದು ಹೆಮ್ಮೆಯ ಸಂಗತಿ, ನಾವು ನಮ್ಮ ಸಂಸ್ಥೆಯ ಪರವಾಗಿ ಎಲ್ಲ ವಿವಿಧ ತರಬೇತಿ ಹಾಗೂ ಸೌಲಭ್ಯ ಕಲ್ಪಿಸಿದ್ದೇವೆ ಎಂದರು. ಕ್ರೀಡಾ ಇಲಾಖೆಯ ಸಹಾಯಕ ನಿರ್ದೇಶಕರಾದ ಶ್ರೀ ಎಸ್ ಜಿ ಲೋಣಿಯವರು ಕ್ರೀಡಾ ಇಲಾಖೆಯಿಂದ ಹಲವು ಯೋಜನೆಗಳು ಇವೆ ಇದರ ಸದುಪಯೋಗ ಪಡೆದುಕೊಳ್ಳಬೇಕು ಎಂದು ತಿಳಿಸಿದರು. ಈ ಸಂದರ್ಭದಲ್ಲಿ ಸಂಸ್ಥೆಯ ಕಾರ್ಯಾಧ್ಯಕ್ಷ ಹಾಗೂ ದೈಹಿಕ ಶಿಕ್ಷಣ ನಿರ್ದೇಶಕರಾದ ಅಶೋಕ್ ಕುಮಾರ್ ಜಾದವ್, ಶ್ರೀಮತಿ ಶೈಲಾ ಬಸನಗೌಡ ಪಾಟೀಲ್ ಯತ್ನಾಳ್, ಶಾಹೀದಬೇಗಂ ಹಕೀಂ, ಡಾ. ಬಾಬು ರಾಜೇಂದ್ರ ನಾಯಕ್, ಬಸನಗೌಡ ಹರನಾಳ, ರಾಜೇಶ್ವರಿ ಜುಗತಿ, ರಾಜಶೇಖರ ಕವಲಗಿ, ಉಪಸ್ಥಿತರಿದ್ದರು.

ನವದೆಹಲಿ - : ಮಹಿಳಾ ಪ್ರೀಮಿಯರ್ ಲೀಗ್‌’ನಲ್ಲಿ ರಾಯಲ್ ಚಾಲೆಂಜರ್ಸ್ ಬೆಂಗಳೂರು ತಂಡದ ಸಲಹೆಗಾರರಾಗಿ ಟೆನಿಸ್ ತಾರೆ ಸಾನಿಯಾ ಮಿರ್ಜಾ ನೇಮಕಗೊಂಡಿದ್ದಾರೆ.ಈ ಕುರಿತು RCB (ರಾಯಲ್ ಚಾಲೆಂಜರ್ಸ್ ಬೆಂಗಳೂರು) ತಮ್ಮ ಅಧಿಕೃತ ಟ್ವಿಟರ್ ಖಾತೆಯಲ್ಲಿ ಪ್ರಕಟಿಸಿದೆ. ಸಾನಿಯಾ ಜೊತೆಗಿನ ಸಂದರ್ಶನವನ್ನೂ ಕೂಡ ಟ್ವೀಟ್ ನಲ್ಲಿ RCB ಹಂಚಿಕೊಂಡಿದೆ. ಮಂಗಳವಾರ ನಡೆದ ಪ್ರೀಮಿಯರ್ ಲೀಗ್ ಹರಾಜಿನಲ್ಲಿ ಆರ್‌’ಸಿಬಿ ಅತ್ಯುತ್ತಮ ಆಟಗಾರರನ್ನು ತನ್ನದಾಗಿಸಿಕೊಂಡಿದೆ. ಭಾರತ ತಂಡದ ಆಟಗಾರ್ತಿ ಸ್ಮೃತಿ ಮಂಧಾನ ಅವರನ್ನು RCB ತಂಡ ಹರಾಜಿನಲ್ಲಿ 3.40 ಕೋಟಿಗೆ ಖರೀದಿಸಿದೆ. ಸ್ಮೃತಿ ಅವರದ್ದು ಹರಾಜಿನಲ್ಲಿ ಆಟಗಾರ್ತಿಯೊಬ್ಬರು ಪಡೆದ ಅತಿ ಹೆಚ್ಚಿನ ಮೊತ್ತವಾಗಿದೆ.

ಲಂಡನ್ - : ಇಂಗ್ಲೆಂಡ್ ನ ಏಕದಿನ ವಿಶ್ವಕಪ್ ವಿಜೇತ ತಂಡದ ಮಾಜಿ ನಾಯಕ ಇಯಾನ್ ಮಾರ್ಗನ್, ಎಲ್ಲ ಮಾದರಿಯ ಕ್ರಿಕೆಟ್ಗೆ ಅಂತರರಾಷ್ಟ್ರೀಯ ಕ್ರಿಕೆಟ್ಗೆ ನಿವೃತ್ತಿ ಘೋಷಿಸಿದ್ದಾರೆ. 126 ಏಕದಿನ ಮತ್ತು 72 ಟಿ20 ಪಂದ್ಯಗಳಲ್ಲಿ ಮಾರ್ಗನ್, ಇಂಗ್ಲೆಂಡ್ ತಂಡದ ನಾಯಕತ್ವ ವಹಿಸಿದ್ದರು. ಇಯಾನ್ ಮಾರ್ಗನ್ ನಾಯಕತ್ವದಲ್ಲಿ ಇಂಗ್ಲೆಂಡ್, 2019ರ ಏಕದಿನ ವಿಶ್ವಕಪ್ ಜಯಿಸಿದ್ದು, ಮತ್ತು ಕಪ್ತಾನರಾಗಿ ಎರಡು ಮಾದರಿಗಳಲ್ಲಾಗಿ 118 ಗೆಲುವು ಸಾಧಿಸಿರುವುದು ಕೂಡಾ ಮಾರ್ಗನ್ ದಾಖಲೆಯಾಗಿದೆ. ಈ ಬಗ್ಗೆ ಟ್ವೀಟ್ ಮೂಲಕ ಪ್ರತಿಕ್ರಿಯಿಸಿರುವ ಇಯಾನ್ ಮಾರ್ಗನ್, ಎಲ್ಲ ಕ್ರೀಡಾಪಟುಗಳಂತೆ ವೃತ್ತಿ ಜೀವನದಲ್ಲಿ ಅನೇಕ ಏಳು-ಬೀಳುಗಳನ್ನು ಕಂಡಿದ್ದೇನೆ. ಪ್ರತಿಯೊಂದು ಕ್ಷಣವನ್ನು ಆನಂದಿಸಿದ್ದೇನೆ. ಕ್ರಿಕೆಟ್ ಬಿಟ್ಟು ಹೋಗಲು ಇದು ಸೂಕ್ತ ಸಮಯವಾಗಿದೆ. ಪತ್ನಿ, ಕುಟುಂಬ, ಸ್ನೇಹಿತರು, ಕೋಚ್, ಸಹ ಆಟಗಾರರು, ಅಭಿಮಾನಿಗಳಿಗೆ ಈ ಸಂದರ್ಭದಲ್ಲಿ ನನ್ನ ಧನ್ಯವಾದಗಳನ್ನು ಹೇಳಲು ಬಯಸುತ್ತೇನೆ ಎಂದು ಹೇಳಿದ್ದಾರೆ.

ಗದಗ ಜಿಲ್ಲೆಯ ನರಗುಂದದಲ್ಲಿ  ರಾಷ್ಟ್ರ ಮಟ್ಟದ ಕಬಡ್ಡಿ ಕ್ರೀಡಾಕೂಟ/ ಯೋಗ ವನ್ನು ಒಳಗೊಂಡ ಏಕೈಕ ದೇಶೀ ಆಟ ಕಬಡ್ಡಿ -ಸಚಿವ ಸಿ ಸಿ ಪಾಟೀಲ್ ಅಭಿಮತ .     ಇಂದಿನ  ದಿನಮಾನಗಳಲ್ಲಿ ಯುವಕರು ವಾಟ್ಸ್ಸಫ್, ಫೇಸ್ಬುಕ್, ಟ್ವಿಟ್ಟರ್ ಇವೆ ಮೊದಲಾದ ಸಾಮಾಜಿಕ ಜಾಲತಾಣಗಳಲ್ಲಿ  ಹೆಚ್ಚಿನ ಆಸಕ್ತಿ ಹೊಂದಿದ್ದು ದೇಶಿಯ ಆಟಗಳಲ್ಲಿ ಆಸಕ್ತಿ ಇಲ್ಲದೆ ಇರುವುದು ನಿಜಕ್ಕೂ ವಿಷಾದನೀಯ ಎಂದು ಲೋಕೋಪಯೋಗಿ ಸಚಿವ ಸಿ ಸಿ ಪಾಟೀಲ್ ಗದಗ ಜಿಲ್ಲೆಯ ನರಗುಂದ್ ಪಟ್ಟನದಲ್ಲಿ ನೆಡೆದ ರಾಷ್ಟ್ರ ಮಟ್ಟದ ಕಬಡ್ಡಿ ಕ್ರೀಡಾ ಕೂಟ ಉದ್ದೇಶಿಸಿ ಅಭಿಪ್ರಾಯ ವ್ಯಕ್ತ ಪಡಿಸಿದರು.      ನರಗುಂದ ತಾಲೂಕ ಕ್ರೀಡಾಗನದಲ್ಲಿ ಆಯೋಜಿದ್ದ ಕರ್ನಾಟಕ ಆಮೇಚೂರ್ ಕಬಡ್ಡಿ ಅಶೋಸಸಿಯೇಷನ್, ಭಾರತೀಯ ಜನತಾ ಪಾರ್ಟಿ ವಿಧಾನ ಸಭಾ ಮತಕ್ಷೇತ್ರ, ಲಾಯೆನ್ಸ್ ಕ್ಲಬ್, ಹಾಗೂ ಸಿ. ಸಿ ಪಾಟೀಲ್ ಅಭಿಮಾನಿ ಬಳಗ ಇವರ ಆಶ್ರಯದಲ್ಲಿ ನೆಡೆದ ರಾಷ್ಟ್ರ ಮಟ್ಟದ ಕಬಡ್ಡಿ ಪಂದ್ಯಾವಳಿ ಯಶಸ್ವಿ ಆಗಲು ಹಗಲಿರುಳು ಶ್ರಮಿಸಿದ ಸಂಘಟಕರಿಗೆ ಹಾಗೂ ಬಿಜೆಪಿ ಕಾರ್ಯ ಕರ್ತರಿಗೆ ಅಭಿನಂದನೆಗಳು ಸಲ್ಲಿಸಿದರು. ಈ ಒಂದು ಕಬಡ್ಡಿ ಕ್ರೀಡಾ ಕೂಟ ವನ್ನು ರೋಣ ಶಾಸಕ ಕಳಕಪ್ಪ ಬಂಡಿ ಉದ್ಘಾಟನೆ ಮಾಡಿದರು. ಈ ಸಂದರ್ಭದಲ್ಲಿ ಬಿಜೆಪಿ ರಾಜ್ಯ ಅಧ್ಯಕ್ಷ ನಳಿನ್ ಕುಮಾರ್ ಕಟೀಲ್ ಇವರನ್ನು ಸನ್ಮಾನ ಮಾಡಲಾಯಿತು. ಅರ್ಜುನ್ ಪ್ರಶಸ್ತಿ ವಿಜೇತ ಸಿ ಹೊನ್ನಪ್ಪಗೌಡ, ಸಂಸದ ಶಿವಕುಮಾರ್ ಉದಾಸಿ, ಶಾಸಕರಾದ ಎಸ್ ವಿ ಸಂಕನೂರ್,ಸೇರಿದಂತೆ 10 ಸಾವಿರ ಕ್ಕಿಂತ ಹೆಚ್ಚು ಕ್ರೀಡಾ ಅಭಿಮಾನಿಗಳು ಭಾಗವಸಿದ್ದರು. ರಾಷ್ಟ್ರ ಮಟ್ಟದ ಕಬಡ್ಡಿ ಪಂದ್ಯಾವಳಿ ಪುರುಷರ ವಿಭಾಗದಲ್ಲಿ 35 ತಂಡಗಳು ಭಾಗವಹಿಸಿದ್ದಾರೆ ಹಾಗೇ ಮಹಿಳಾ ವಿಭಾಗದಲ್ಲಿ 30 ತಂಡಗಳು ಭಾಗವಹಿಸಿದ್ದವು. ಕರ್ನಾಟಕ ಅಷ್ಟೇ ಅಲ್ಲದೆ ನೆರೆಯ ಗುಜರಾತ್, ಹರಿಯಾಣ, ದೆಹಲಿ, ಹಿಮಾಚಲ್ ಪ್ರದೇಶ, ತಮಿಳುನಾಡು, ಮಹರಾಷ್ಟ್ರ, ಆಂಧ್ರಪ್ರದೇಶ, ಸೇರಿದಂತೆ  ಭಾರತೀಯ ಸೇನಾ ತಂಡ ಹಾಗೂ ರೈಲ್ವೆ ತಂಡಗಳು ಭಾಗವಹಿಸದ್ದವು.ಪುರುಷರ ವಿಭಾಗದಲ್ಲಿ ಪ್ರಥಮ ಸ್ಥಾನ ಹಿಮಾಚಲ್ ಪ್ರದೇಶ, ದ್ವಿತೀಯ ಸ್ಥಾನ ರೆಡ್ ಆರ್ಮಿ ದೆಹಲಿ,ತೃತೀಯ ಸ್ಥಾನ ಹರಿಯಾಣ ಹಾಗೂ ಚತುರ್ಥ ಸ್ಥಾನ ಚೆನ್ನೈ ತಂಡ ಪಡೆದುಕೊಂಡವು.  ಹಾಗೇ ಮಹಿಳಾ ವಿಭಾಗದಲ್ಲಿ ಪ್ರಥಮ ಸ್ಥಾನ ಹರಿಯಾಣ, ದ್ವಿತೀಯ ಸ್ಥಾನ ಹರಿಯಾಣ, ತೃತೀಯ ಸ್ಥಾನ ಹಿಮಾಚಲ್ ಪ್ರದೇಶ ಹಾಗೂ ಚತುರ್ಥ ಸ್ಥಾನ ಹರಿಯಾಣ ತಂಡ ಪಡೆದುಕೊಂಡವು.                ವಿಶೇಷ ವರದಿ - ಬಸವರಾಜ ಆರ್ ಪಾಟೀಲ್ ಗದಗ